Согласно закони донесени пред повеќе години, системски согласно инфлацијата и трошоците на живот и други параметри растат пензиите секој март и септември, а минималната плата се корегира само во март, еднаш годишно.
Иако веќе тече март, месец во кој и работниците веќе ги сработуваат повисоките плати, се’ уште нејасно е за колку ќе се покачи минималецот.
Синдикатите бараат плата од минимум 500 евра, со оглед дека синдикалната кошничка доживеа раст од над 1.000 евра. Со вакво барање излегоа и од опозициската СДСМ, која предложи разликата во придонесите меѓу 24.600 и 30.000 денари да ја покрие државата, со што минималната плата би достигнала 500 евра.
Власта го одби предлогот за субвенционирање на придонесите, но вели дека доколку синдикатите и работодавачите се договорат за минимална плата од 500 евра, тие би поддржале вакво решение. Но добар дел од бизнисмените се против минимална плата од 500 евра. Па така следните недели ќе мора да се одлучи, дали минималецот ќе се зголеми според постојниот закон кој носи усогласување на минималната плата за 1.800 до 2.000 денари повеќе или пак ќе падне некој дил на линија влада, синдикати, бизнис сектор.
Она што е најсигурно е дека пензионерите ќе добијат 2.500 денари покачување на пензиите, а тоа ќе го почуствуваат на први април кога се очекува парите да им легнат на сметките.
