Вселенското летало Starship на SpaceX експлодираше во четвртокот, само неколку минути по полетувањето од Тексас, спречувајќи обид да се распоредат тест сателити. Ова е втор последователен неуспех во ракетната програма за Марс што ја води Илон Маск.
— Elon Musk (@elonmusk) March 7, 2025
Вселенското летало се распаднало набргу откако почнало неконтролирано да ротира, додека моторите му биле исклучени, што било потврдено во директен пренос на SpaceX. Овој неуспех доаѓа нешто повеќе од еден месец откако седмиот лет на Starship заврши со експлозија. Два последователни неуспеси се случија во раните фази на мисијата, во која SpaceX претходно се движеше без проблеми.
Ракетата не носеше астронаути. По експлозијата, SpaceX го прекина преносот и не даде никакви информации за можната локација на остатоците.
Поради урнатините што паѓаат на делови од Карибите, американската Федерална авијација (FAA) привремено ги прекина комерцијалните летови на аеродромите во Мајами, Форт Лодердејл, Палм Бич и Орландо најмалку до 20:00 часот по источно време. Исто така, летовите беа пренасочени над областа Туркс и Каикос./Извор:Makfax
НАЈЧИТАНО НА ИНТЕРНЕТ...
