Заменик министерот за внатрешни работи Астрит Исени денеска присуствуваше на свеченоста по повод одбележувањето на јубилејот 80 години од постоење на Црвениот крст на Република Северна Македонија, на која покровител годинава беше претседателката на РСМ, Гордана Силјановска Давкова.
„Припадниците на Министерството за внатрешни работи заедно со членовите и активистите на Црвениот крст во сиве овие години наназад биле и секако ќе останат целосно посветени и блиски во сите активности каде што хуманоста и помошта бараат благовремено и ефикасно дејствување“, потенцираше заменик министерот Исени при доделувањето на јубилејната плакета за поддршката и меѓусебната соработка на Министерството за внатрешни работи и Црвениот Крст.
Заменикот министер Исени подвлече дека природата на заедничките надлежности на двете институции налага градење на заедничка соработка, комуникација, системи и концепти што ќе им бидат од помош на сите на кои помошта им е потребна, особено кога станува збор за кризните состојби од било каков карактер.
ПОПУЛАРНО НА ИНТЕРНЕТ...
