Овдека министрите за култура сѐ уште сметаат дека независниот културен сектор не треба да биде поддржуван од државата. Тоа е… не можам да објаснам, просто ми е непријатно, срам ми е, мене ми е срам во име на сите министри кои што го мислат тоа, рече Искра Гешоска, директорка и програмски уредник на КРИК – Фестивал за критичка култура и на Контрапункт во интервју за Рацин.мк.
Таа додаде дека не треба да се оди предалеку, туку само до Хрватска или Словенија за да се види дека независната сцена таму не мора да брка фондови и конкурси, туку дека има инфраструктурни фондови.
„Затоа што општеството разбира, колку и да не им оди во прилог, колку и да е тоа критички глас, разбира дека без нив (без независната сцена), нема да може ниту институционалната култура“ рече Гешоска.
Таа додава дека вонинституционалниот културен сектор е оној којшто го создава современото културно наследство.
Видео и фото: Рацин.мк
