Полицијата во Мурсвил, Индијана, уапсила средношколка која имала колаж од слики од масовни убиства во нејзиниот студентски дом, бидејќи наводно планирала пукање во училиште на Денот на вљубените, објави денеска „Фокс 59“.
Според судските документи поднесени од полицискиот оддел во Мурсвил, Тринити Шокли (18) е уапсена под обвинение за заговор за извршување на убиство и заплашување.
Полицијата соопшти дека добила дојава дека некој планирал пукање во средното училиште Мурсвил, а осомничената подоцна била идентификувана како Тринити Шокли.
Во соопштението се вели дека детективите од одделот, заедно со службениците од Канцеларијата на шерифот на округот Морган и школската полиција Мурсвил, извршиле налози за претрес во нејзиниот дом и ја привеле./Извор:Makfax
