9. септември 2025
Centar.mk – Вести, бизнис, забава, спорт…
МАКЕДОНИЈАвест

Претреси во дојранско, пронајдени околу два килограми марихуана и пушки, приведено едно лице

СВР Струмица – ОВР Гевгелија, до Основното јавно обвинителство Гевгелија, поднесе кривична пријава против Г.Ј.(51) од село Црничани, општина Дојран, поради сомнение дека сторил кривични дела „неовластено производство и пуштање во промет на наркотични дроги, психотропни супстанци и прекурзори“ по член 215 и „недозволено изработување, држење и тргување со оружје или експлозивни материи“ по член 396 од Кривичниот законик, соопшти МВР.

-На 13.12.2024, полициски службеници од СВР Струмица – ОВР Гевгелија во координација со полициски службеници од Полициската станица за гранични проверки и граничен надзор Дојран, врз основа на судска наредба, биле извршени претреси на две локации, во домот на пријавениот во село Црничани и на место викано „Гатар“, атар на село Црничани. При претресите биле пронајдени и одземени 24 тегли со марихуана, четири хартиени омоти со марихуана, две стебла од растението канабис, предмети со остатоци од марихуана, две ловечки и една малокалибарска пушка.
Лицето било лишено од слобода и задржано во Полициската станица Гевгелија, по што бил изведен пред судија на претходна постапка од Основен суд Гевгелија, кој му определил мерка притвор во траење од 30 дена, информира полицијата.

Можеби ќе ве интересира

„EXIT“ во Скопје? Што кажа Орце – а што кажува самиот фестивал

C +

Шукова: Ќе го завршам проектот за прочистителна станица во Трубарево време е за зелено Скопје и здрава средина

C +

Филипче во Франција лобира за Македонија: Резолуцијата е гаранција за заштита на националните интереси

C +