Претежно облачно со врнежи од дожд, наместа во западните делови врнежите ќе бидат пообилни (над 40 l/m2). Ќе дува засилен јужен ветер, кој во текот на ноќта ќе го промени правецот во северен (над 70 km/h), врнежите од дожд најпрвин на планините ќе преминат во снег, потоа особено во западните делови повремен снег ќе има и на некои пониски места и ќе се формира снежна покривка. Максималната температура ќе биде во интервал од 9 до 16 степени.
Времето и метеоролошки параметри за Скопје: претежно облачно, попладне и во текот на ноќта ќе има врнежи од дожд, повремено пообилни. Преку денот ќе дува умерен до засилен јужен ветер. Во текот на ноќта ќе дува засилен северен ветер и ќе има услови во повисоките делови од котлината врнежите од дожд да преминат во снег со слаб интензитет. T= 12 °C, P= 966 hPa, U= 65 %, V= 6 m/s.
