На 26 октомври 2024 година, во 19 часот, во СВР Скопје било пријавено дека на крстосницата од регионалниот пат Скопје-ХЕЦ Козјак со улица „1“ во село Батинци, скопско, се случила тешка сообраќајна несреќа. Возило „Фолксваген Голф“ со скопски регистарски ознаки, управувано од лице (33) од село Цветово, удрило во пешакот Ф.И. (83) од Батинци.
Во несреќата, пешакот Ф.И. им подлегнал на повредите, а смртта била констатирана од лекар на Итната медицинска помош. По наредба на јавен обвинител, телото на починатиот е предадено на обдукција. Возачот се здобил со телесни повреди и е хоспитализиран во Градската општа болница „Св. Наум Охридски“ во Скопје. На местото на несреќата бил извршен увид од јавен обвинител и увидна екипа од СВР Скопје.
