Интегрален текст од соопштението на ДУИ:
Демократската Унија за Интеграција смета дека одбележувањето на Охридскиот договор од страна на моноетничката влада, без легитимитет на албанскиот народ и другите заедници, беше засенето од фактот што го организира заветениот путинист, непризнавач на независноста на Република Косово и Охридскиот договор како Иван Стоилковиќ, како и со осакатениот буџет.
Единствени гости во моноетничката ”прослава” беа вазалите и приврзоци на ВМРО кои никогаш не биле ниту последната дупка во кавалот во однос на Охридскиот договор, и кои ги окупираа државните институции како губитници на изборите, без легитимитет на албанскиот гласач, но со претпочитање на ВМРО ДПМНЕ како во времето на Рахман Морина.
Ова понижување на Албанците од страна на милениците на ВМРО достигна загрижувачки размери со тенденција да се поништи секој напредок во насока на еднаквостa.
Правната платформа за легитимитет, подготвена како предлог од Пол Вилијамс и ПИЛПГ, го спречува вазалството и недостатокот на етнички легитимитет на институциите во согласност со духот на Охридскиот договор.
Затоа, од септември ќе започнеме јавни консултации за платформата за легитимитет со академскиот свет, невладините организации, медиумите и граѓаните
