Најмалку 19 лица се повредени во пожар на туристички брод во близина на брегот на турското летувалиште Мармарис, од кои тројца се во тешка состојба, соопшти Командата на крајбрежната стража.
„Поради пожарот на туристичкиот брод ‘Иглс’, евакуирани се 96 патници и шест члена на екипажот“, соопшти Командата на крајбрежната стража, пренесуваат турските медиуми.
Дваесет метри долгиот дрвен брод, кој се користи за еднодневни патувања, од непозната причина се запалил во 16 часот./Извор:Makfax
