Под влијание на исклучително нестабилна воздушна маса, до петок ќе се задржи променливо облачно и нестабилно време со пороен дожд и грмежи, информираат од Управата за хидрометеоролошки работи.
На повеќе места ќе има појава на невреме со обилен пороен дожд за кратко време, грмежи, силен ветер (над 60 километри на час) и град.
Во Скопје до петок ќе преовладува променливо облачно и нестабилно време со повремен пороен дожд и грмежи. Во делови од котлината процесите ќе бидат во форма на невреме со пообилен пороен дожд за кратко време, грмежи, силен ветер и појава на град, информираат од УХМР.
Во случај на појава на електрични празнења се препорачува поголема внимателност, да не се престојува на отворен простор и под осамени дрвја./Извор:Makfax
