21.8 C
Скопје
24. јули 2024
Centar.mk – Вести, бизнис, забава, спорт…
СВЕТ

Петгодишно момче загина во одрон во Австрија

Вчера имаше одрон во Австрија во кој загина момче. Како што јавуваат австриските медиуми, поради обилните дождови изминатиот ден во областа, во шумата во Зигенсдорфберг, биле мајка со две деца и двајца нивни другари, дошло до лизгање на земјиштето. Две од децата се затрупани, но екипите не успеаја навреме да спасат едно момче.

Се работи за петгодишно дете. Второто затрупано дете е пренесено во болница со хеликоптер, а останатите две деца се неповредени.

Во акцијата за спасување на лице место учествувале повеќе од 100 пожарникари, неколку спасувачки хеликоптери и полициско куче.

Нема дополнителни информации за идентитетот на жртвите, но се претпоставува дека мајката и нејзините две деца се од околината.

Поради обилните дождови, во областа се забележани стотици одрони./Извор:Makfax