Centar.mk
вестМАКЕДОНИЈА

Забрчанец: Држави кои демонстрираат национализам не се во можност искрено и суштински да соработуваат со своите соседи

„Држави кои се соочуваат со внатрешни политички кризи и кои демонстрираат национализам на внатрешен и надворешен план – не се во можност искрено и суштински да соработуваат со своите соседи“ рече Националниот координатор за Отворен Балкан и за регионални иницијативи, Марјан Забрчанец, во интервју за „Цивил медиа“.

Тој додаде дека национализмот подразбира наметнување на еден етникум наспроти друг, а во случајот на Западен Балкан тоа неминовно подразбира и конфликти со соседите и меѓу различните етнички групи кои се прелеваат од една во друга држава.

„Во случај кога постои меѓуетничка нетрпеливост на внатрешен или надворешен план во еден регион, тогаш не се исполнети основните услови за регионална соработка која има потенцијал да даде суштински резултат на кое било поле, вклучително и на поле на зелената економија“ рече Забрчанец.

Во интервјуто тој додаде дека земјите од Западен Балкан имаат капацитети да привлечат големи енергетски инвестиции, но предуслов за тоа е регионот да станува единствен пазар, да се отстрануваат економските бариери и граници и да се обезбедува што е можно повеќе слободен проток на луѓе, услуги, производи и стоки меѓу шесте држави, но и меѓу регионот и земјите членки на ЕУ.

Можеби ќе ве интересира

ВЕЧЕРВА СПРОТИ АРАНЃЕЛОВДЕН – Кои обичаи се негуваат во домовите и што се прави утре на големиот празник?

ДЕСК

УТРЕ Е ГОЛЕМ ПРАВОСЛАВЕН ПРАЗНИК – Се слави Свети Архангел Михаил, небесниот заштитник и предводник на ангелите

ДЕСК

НОВИ ОГРАНИЧУВАЊА ЗА НАСИЛНИЦИТЕ ВО СЕМЕЈСТВАТА – Се разгледуваат итно отстранување од домот и електронски алки

ДЕСК