Вицепремиерот за европски прашања, Бојан Маричиќ и австрискиот европратеник Андреас Шидер денес се поклонија пред гробот на Гоце Делчев во црквата Свети Спас во Скопје.
Вицепремиерот Маричиќ истакна дека нашите европски партнери и пријатели ги ценат македонскиот идентитет и македонската традиција, а со пристапувањето во ЕУ овие вредности уште повеќе добиваат внимание и начин како да се заштитат и негуваат.
„Македонскиот идентитет е важен сегмент во мозаикот на европското семејство. Обединувањето и почитта кон различните традиции и обичаи се основни вредности во Унијата, каде што ние припаѓаме“ напиша Маричиќ на социјалните мрежи.
