Приведен измамник од кичевско по распишана централна потерница

На 08.04.2024 во 14.05 часот, полициски службеници од криминалистичката полиција при ОВР Кичево го приведоа Х.Ф.(45) од кичевското село Горно Строгомиште, соопшти МВР.

За него била распишана централна потерница врз основа на судска наредба со која се барал за издржување затворска казна од една година и шест месеци за сторено кривично дело „измама“.

Лицето било спроведено во Казнено – поправната установа Затвор Битола за издржување на казната.