Претседателот на СДСМ, Димитар Ковачевски на поткастот на Сител зборуваше за потеклото на неговото семејство и кажа дека неговиот татко потекнува од Крушево и дека има роднини кои се познати и успешни во своите професии.
Тој исто така кажа дека народниот херој, Наум Наумовски Борче е братучед на неговиот дедо.
„Тоа е големо крушевско смејство. Знаеме да се дружиме и се собираме, веќе четврта генерација. Во семејството има голем број на познати наши сограѓани“ рече Ковачевски.
Претседателот на СДСМ исто така го откри и потеклото на неговиот прекар „Таче“, кој бил наследен во неговото семјство.
„Мојот дедо е Димитар, кој го викале Таки, но бил мал по раст и станал Таче, нагалено. Од него ми е надимакот и неговиот и на татко ми, семеен надималк е. Тој е од дедо ми, татко ми, јас, а и син ми доаѓа и ми вели ‘излегувам од школо и докторот што ти е пријател ми вели кај си Мали Таче? Што е тоа?’“ рече Ковачевски и додаде дека му кажал дека ќе биде Мали Таче, додека не порасне и стане Таче, а неговиот син ќе стане Мали Таче.
