Секој во светот има потреба од пасош за да влезе во друга земја. Од папата, британската кралица Консорт Камила, до премиерите и шефовите на држави, секој треба да го носи кога ќе ја напуштат земјата.
Сепак, постојат три луѓе во светот кои можат да патуваат без пасош.
Тие се кралот на Обединетото Кралство, императорот на Јапонија и неговата сопруга. Оваа привилегија претходно ја уживала кралицата Елизабета, пред Чарлс да стане крал.
Кралот Чарлс III нема пасош. Кралицата Елизабета Втора, мајка на кралот Чарлс, исто така, никогаш го немала овој документ. Според нормите што ги следи владата на Велика Британија, британскиот пасош се издава на име на монархот; затоа не е неопходно монархот да има таков. Сепак, сите други членови на кралското семејство, вклучително и кралицата Консорт Камила и принцот Вилијам, мора да носат пасош кога патуваат од ОК. Освен тоа, еднаш напиша Тпортал, на кралот Чарлс не му е потребна ниту возачка дозвола ниту во ОК ниту во странство.
По неговото доаѓање на престолот, секретарот на кралот Чарлс испрати писмо до сите земји, преку Форин Офисот, дека Чарлс сега е крал на Обединетото Кралство и дека треба да му биде дозволено да патува насекаде со целосна почит и без ограничувања.
