„Должни сме да гледаме од аспект на граѓаните. Најлесно е и политички опортуно да донесеме закон со кој навидум ќе го решиме проблемот. Но, тоа ќе внесе дополнителна и поголема правна несигурност и можност да ги внесе граѓаните во поголеми проблеми, дополнителни трошоци и непријатности на гранични премини. Во моментот немаме официјално известување од ниту една членка на ЕУ дека може со стариот пасош да се патува“ потенцираше вицепремиерот за европски прашања, Бојан Маричиќ во „Топ тема“ на Телма за ситуацијата со патните исправи и кажа дека ниту една земја од ЕУ не потврдила дека дозволува патување со старите документи.
Тој додаде дека на тој начин граѓаните ќе може да бидат застанати на било кој граничен премин и да се сносат со дополнителни потешкотии и непријатности.
„Црна Гора извести дека нема да дозволи патување со стари докуементи. Други земји може да на лице место да се повикаат на тоа. Зошто да ги оптеретуваме граѓаните да се соочуваат со проблеми и се да зависи од смената на граничниот премин?“ запраша вицепремиерот Маричиќ.
Тој кажа дека досега се издадени еден милион и 350 илјади пасоши и дека овој месец се пристигнати 300 илјади пасоши, со што до јуни ќе може секојдневно да се печатат нови пасоши.
