Стефан Савиќ, репрезентативецот на Србија во ММА, беше убиен претходната вечер во Белград, на 23-годишна возраст.
Информацијата дека загина овој млад ММА борец ја објави Арена Спорт, која воедно изрази сочувство до семејството.
Се испостави дека тој настрадал во инцидент што се случил во текот на ноќта на аголот од улиците Добрачина и Дунавска во 0.55 часот.
„Арена фајт упатува искрено сочувство до семејството, пријателите и сите луѓе кои го сакаа Стефан.
Стефан засекогаш ќе остане запаметен, не само како шампион, туку како некој кој допрел срца со својата добрина и оставил неизбришлива трага“, стои во нивното соопштение.
Најголем успех во кариерата на Стефан беше бронзениот медал од Светското првенство.
