На прашањето „Кога Вие би биле кандидат за претседател, што би ветиле?“ на анкетата „Внимание, Внимание“ на „Трн.мк“, младите даваат најразлични и оригинални предлози: „Би ветила бесплатно високо образование“; „Квалитетен живот на младите“; „Би ветил повеќе инвестиции, да порасне економијата, да се кренат платите повисоко“, но доминираат одговорите за европеизација и европскиот пат.
„Не само претседателот, туку секој еден граѓанин на државата треба да има една цел. Да влеземе во Европската Унија. Тоа е најважно“, беше заклучокот на еден испитаник на анкетата.
На прашањето „Каков претседател посакуваш?“, повеќето млади одговараат: „Некој што има емпатија и разбирање за луѓето и некој што има визија за наредните генерации“; „Некој што повеќе ќе се бори за младината…“, „Битно е да е претставителен и да се залага за квалитетен живот на граѓаните“, „Некој што може да си ги исполни ветувањата“; „Некој што навистина ќе инвестира во високото образование, и ќе гледа да не бегаме од државава“…
Анкетата „Внимание, внимание – зборуваат граѓаните“, се емитува на каналите на „Трн“ (на Фејсбук, YouTube, и на Инстаграм) и нејзината цел е да се чуе гласот на граѓаните, посебно на младите. Гласот на граѓаните нѝ го претставува артистот Дениз Абдула, а продукцијата е на „Трн.мк“.
ПОПУЛАРНО НА ИНТЕРНЕТ...
