Полицијата во Кавадарци до Обвинителството поднесе писмено известување за 17-годишник од Кавадарци поради оштетување и неовластено навлегување во компјутерски системи.
„На 23 јануари во соблекувална на сала за вежбање во Кавадарци ги сликал банкарските картички на 45-годишник од Кавадарци, по што во својот дом извршил повеќе трансакции и на тој начин се стекнал со противправна имотна корист од 8948 денари. Исто така, на 26 јануари на истиот начин оштетил и 42-годишен жител на Кавадарци и со повеќе направени трансакции се стекнал со противправна имотна корист од 3.300 денари“, објави МВР.
