„Секој судија носи одлука самостојно и независно. Судскиот совет и Советот на јавните обвинители се институции што треба да се одважат, бидејќи во нивни раце е палката за избор и разрешвуање на судии и обивнители“ рече заменик-министерката за правда, Викторија Мадиќ во утринската програма на „Слободен печат“.
Таа додаде дека станува збор за поединци кои го рушат угледот на судството, а советите се тие што треба да се одважат и по допрен глас и сами меѓу себе да си ги покажат поединците.
„Не може да генерализираме и да кажуваме дека судството и обвинителството се тотално корумпирани“ рече Мадиќ.
Заменик-министерката додаде дека во Министерството за правда има работна група која работи на нов Закон за судски совет и анализа за тоа дали и како функционира овој Судски совет и заедно со Извештајот на оценксата мисија на ЕУ ќе се донесат решенија.
НАЈЧИТАНО НА ИНТЕРНЕТ...
