Министерот Оливер Спасовски во интервјуто за Гласот на Америка запрашан дали Социјал демократскиот сојуз на мајските избори ќе извојува победа ако се земат во предвид и некои анкети, го изрази својот оптимизам бидејќи огромното мнозинство на граѓани посакуваат иднината да ја градат како граѓани на Европската Унија.
„Треба целиот тој концепт да се доближи до граѓаните и да се направи се за проевропските, прогресивните и демократските сили, кои што знаат да ја водат Република Северна Македонија, да ја добијат довербата на граѓаните. Останува да работиме посветено, одговорно, да признаеме таму каде што грешевме, да ја понудиме перспективата на државата во ЕУ пред граѓаните. Навистина верувам дека наспроти концептот кој што значи уназадување, има сериозна предност проевропскиот концепт“, истакна министерот Спасовски.
