Македонија под снег на стартот на следната седмица, па следува затоплување – Метеоцентар со детална прогноза за времето

Утре ќе се задржи стабилно време со ниски утрински температури. Во понеделник и вторник времето ќе биде променливо облачно со повремени врнежи од снег на планините и повисоките места, особено во западните делови каде што ќе се формира нова снежна покривка.

Во пониските места врнежите ќе бидат од дожд и снег. Од понеделник ќе дува умерен до засилен ветер од јужен правец кој што ќе допринесе утринските и дневните температури да бидат во пораст.

Прогноза за 15.01.2024
Минимална температура: -9°C до -5°C
Максимална температура: 4°C до 9°C

Променливо облачно, претежно во западните делови со локални врнежи од дожд, на планините и во повисоките места од снег. Ќе дува слаб до умерен ветер од јужен правец, особено изразен долж Повардарието.

Прогноза за 16.01.2024
Минимална температура: -4°C до 1°C
Максимална температура: 3°C до 9°C

Променливо облачно, претпладне со локални врнежи од дожд, а на планините и во повисоките места од снег. Ќе дува слаб до умерен ветер од јужен правец, а попладне ќе го проемни правецот во северен и долж Повардарието повремено ќе засилува.

Прогноза за 17.01.2024
Минимална температура: -5°C до 1°C
Максимална температура: 4°C до 10°C

Променливо облачно со сончеви периоди. Ќе дува слаб до умерен ветер од јужен правец.