Опожарена „тојота корола“ пронајдена во Тетовско, возилото било пријавено за одземено пред еден месец

Вчера во 9 часот на локалниот пат што ги поврзува тетовските села Мерово и Седларево, полициски службеници на СВР Тетово пронашле целосно опожарено патничко моторно возило „тојота корола“ со скопски регистарски ознаки, сопственост на 48-годишен скопјанец, извести СВР Тетово.

Возилото било пријавено за одземено пред еден месец.

Извршен е увид и се расчистува случајот.