„ Мене ми е жал што суштински не се разбира смислата и значењето на една добробит за државата – без разлика колку и да прави ВМРО притисоци и колку и да не ја прифаќаат ЕУ иднината и да се против уставните измени – тие мора да се решат и да добијат позитивно светло’’ – рече поранешната пратеничка д-р Ѓулистана Марковска во „Студио 10’’ на ТВ 24.
Марковска истака дека за нас е значајно што како држава членка на НАТО сме спремни да организраме еден ваков настан и воедно да испратиме од центарот на Скопје една порака за мир и да формулираме јасни и прецизни заклучоци а не да го делиме народот на американски или руски. Сепак не живееме во 1948 година, ова е 2023 година и сите треба да имаме за цел да испратиме мировна порака.
„Мене ми е жал што делегации се откажаа од присуството поради доаѓањето на рускиот министер за надворешни работи Лавров оти сите конфликти на крајот се завршуваат на зелена маса’’ рече Марковска.
Марковска додаде дека за нас е значајно што после 32 години од осамостојувањето на државата, Македонија органзира еден ваков Самит кој ќе оди во прилог на збогатување на демократијата, изгласување на буџетот и решавањето на воените кофликти.
ПОПУЛАРНО НА ИНТЕРНЕТ...
