„Ова е прилика која треба да ја искористите. И за тоа имате целосна наша поддршка. Ќе останам на ваша страна, на страната на Северна Македонија, на нејзината Влада, ќе ве придржувам кон патот на напредокот, кон крајната цел што е членство во ЕУ“ рече високиот претставник на ЕУ за надворешна политика и безбедносни прашања, Жозеп Борел по средбата со премиерот Димитар Ковачевски.
Тој додаде дека Северна Македонија припаѓа на Европската Унија која е заедница на вредности, не заедница на интереси.
„Јас сум задолжен да ги претставувам и вредностите и интересите на ЕУ во светот. И од она што јас го сфаќам и од мојата увереност можам да кажам дека Северна Македонија припаѓа во ЕУ“ рече Борел.
Високиот претставник на ЕУ испрати охрабрување до премиерот Ковачевски да продолжи со работата за добивање полноправно членство и да ги искористи предностите од планот за раст на ЕУ.
НАЈЧИТАНО НА ИНТЕРНЕТ...
