Синоќа полицијата објави дека се преземаат интензивни мерки и активности за пронаоѓање на В.Ѓ. (14) откако вчера во 08.35 часот З.Ѓ. од Скопје пријави дека се сомнева дека нејзината ќерка В.Ѓ. (14) е исчезната.
Од полицијата информираа дека МВР ги вклучи сите капацитети на СВР Скопје на највисоко можно ниво.
Од МВР информираа дека извршени се низа разговори со лица блиски на малолетничката, прегледани камери итн.
Истрагата продолжи интензивно и ноќеска.
– Апелираме да не се шират дезинформации, велат од полицијата, а најавија и дека МВР постојано ќе ја информира јавноста се до пронаоѓање на малолетничката.
