10. октомври 2025
Centar.mk – Вести, бизнис, забава, спорт…
фото Centar.mk
МАКЕДОНИЈАвест

Тренчевска: Системскиот раст на платите и пензиите ни беше приоритет, за година и пол пензиите пораснаа за 25 отсто

„Кога дојдов како Министерството за труд и социјална политика пред 2 години, една од приоритетните работи и на Владата и мене ми беше Методологија, системско решение и за минималната плата и за пензиите“ рече министерката за труд и социјална политика Јована Тренчевска во „Утрински печат“.

Таа додаде дека и тие би сакале да направат скок на пензиите од шест илјади денари, но треба да се земат предвид сите услови на економијата и државата и токму затоа системското решение ќе даде резултати на среден и долг рок.

„Ние ако ги погледнеме колку беа пензиите во јануари 2022 година и денес колку се, ќе видиме дека навистина имаме раст на пензиите. За година и пол растот на пензиите е 25 отсто“ рече Тренчевска.

Министерката додаде дека како што расте просечната плата, така растат и пензиите со новата Методологија и во моментов најниската пензија е 13.200 денари.

„Првото решение кое им е за пензионрање, износот на пензијата им е 4, 5, 8 илајди, но затоа што сме одредиле најниска граница на пензија државата ги субвенционира овие граѓани до оваа сума која денес е 13.200 денари. Не е правото остварено на овој износ, туку на многу понизок“ рече Тренчевска.

Можеби ќе ве интересира

Лишени од слобода шест лица по вчерашната физичка пресметка пред угостителски објект во Скопје

ДЕСК

Ацевски: Зошто Мицкоски и Орце Ѓорѓиевски чекаат избори, зошто не го исчистат градот сега?

C +

Шукова: Селекцијата на отпадот од домаќинствата ќе го намали притисокот врз Вардариште и Дрисла

C +