Со автомобил прегазена жена во Градец, пренесена е во болница со тешки повреди

Сообраќајна несреќа се случи вчера на регионалниот пат Р-1206 Гостивар-с.Градец.

Според информациите од полицијата, патничко моторно возило „рено“ со гостиварски регистарски ознаки, управувано од 40-годишник удрило во 38-годишна од с.Градец. По несреќата Ј.Б. била пренесена во Комплекс клиники „Мајка Тереза“ во Скопје, каде од лекар и биле констатирани тешки телесни повреди.

Увид на местото на настанот извршила екипа од СВР Тетово.