„Колективните постапувачи се здуженија кои ги формираат компаниите кои се одговорни за одреден тип на индустриски отпад. Компаниите кои работат со таков отпад треба да се здружат и да формираат здружение и има таргети кои согласно законот треба да ги исполнат“ рече министерката за животна средина и просторно планирање, Каја Шукова во „24 анализа“ на ТВ24.
Таа додаде дека овие здруженија не ги формира министерството, туку самите компаниите и дека согласно законот се утврдени и санкции.
„Овој систем е пресликан од ЕУ и земјите членки. Тешки се овие системи, повеќе компании се здружуваат и ги постигнуваат целите. Има таргети кои се зголемуваат и надоместокот кој го плаќаат се зголемува“ рече Шукова.
Министерката додаде дека предвидени се казни доколку не се формираат овие здруженија и нагласи дека индустрискиот отпад не може и не смее да завршува на комуналните депонии.
ПОПУЛАРНО НА ИНТЕРНЕТ...
