Топ тема е пукањето во трговскиот центар ист гејт мол во Скопје кое се случи денеска и во медиумите од бивша Југославија.
Две лица се ранети во престрелка што попладнево се случила во трговски центар во Скопје. Полицијата трага по напаѓачот, пишува Дневни аваз.
Нападот се случил во трговскиот центар „Ист Гејт“.
Две лица биле застрелани додека се симнувале по ескалаторот, пишуваат босанските и српските медиуми.
Откако испукал неколку куршуми кон жртвите, напаѓачот побегнал во спротивна насока и засега не се знае каде се наоѓа.
Повредените се пренесени во болница, а посетителите во паника го напуштиле трговскиот центар.
Според непотврдени информации, една од жртвите е тешко повредена и неговата операција е во тек,пишуваат медиумите.
