Заменик на Претседателот на Владата за европски прашања Бојан Маричиќ им го честита на граѓаните 23 Октомври – Денот на македонската револуционерна борба.
„Македонската револуционерна борба е многу повеќе од ден кој се одбележува еднаш годишно.
Борбата и патриотизмот со кој револуционерите го градеа патот на идните генерации, правејќи држава признаена од сите, се и наш долг кон новите генерации.
Денес, нашиот патриотизам е со поглед свртен кон иднината. Ова е времето кога новата генерација македонски општественици ќе ги испише историските страници кои ќе бидат препознаени како европски и напредни.
На цврстите темели на кои е вграден македонскиот идентитет продолжуваме да ја градиме заедничката иднина, во мир и просперитет, во чекор со големото европско семејство.
Честит Ден на македонската револуционерна борба.“ – напиша Маричиќ на Фејсбук.
