Од понеделник, 23.10.2023 г., ќе започне реконструкција на постоечката наплатна станица Желино, на државен пат А2 – делница Скопје – Тетово, информираат од АМСМ. Оттука, сообраќајот на автопатот ќе се одвива согласно одобрен времен режим на сообраќај.
Вечерва сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
