Вчера, во 20.30 часот, на граничниот премин Богородица, полициски службеници го лишиле од слобода 35-годишниот С. А. од Косово затоа што при контролата на увид дал фалсификувана германска возачка дозвола, а македонската дозвола за привремен престој на странец била со изминат рок на важење, извести МВР.
Тој бил предаден на полициски службеници од Полициската станица Гевгелија за понатамошна постапка, а за настанот бил известен јавен обвинител.
