Научниците од Институтот Каролинска во Стокхолм ги истражувале причините за долговечноста кај некои луѓе со анализа на крвта на стогодишник.
Овие стогодишници, кои стануваат сè почести, ја претставуваат најбрзо растечката демографска група во светот, чии бројки се удвојуваат на секои десет години. За да разберат зошто некои луѓе живеат до старост, научниците анализирале биомаркери, вклучително и нивото на холестерол и шеќер во крвта, кај луѓе постари од 90 години.
Оваа студија опфати податоци за 44.000 Швеѓани кои имале лекарски прегледи на возраст меѓу 64 и 99 години, а потоа биле следени 35 години. Во таа група, 2,7 отсто (1.224 лица) доживеале 100 години.
Повеќето стогодишници се жени, дури 85 отсто. Анализирани се биомаркери поврзани со воспаление, метаболизам, функција на црниот дроб и бубрезите. Уричната киселина била поврзана со воспаление, додека холестеролот, шеќерот во крвта, Алат, Асат, албуминот, GGT, ALP и LD биле значајни за метаболизмот. Беа тестирани и нивоата на креатинин, железо, TIBC и албумин.
Резултатите од студијата покажуваат дека стогодишниците имаат пониски нивоа на гликоза, креатинин и урична киселина во крвта отколку луѓето на возраст од шеесет години и постари.
Иако оваа студија не дава дефинитивни одговори за улогата на генетиката и начинот на живот во долговечноста, таа сугерира дека факторите како исхраната и консумирањето алкохол играат важна улога во овој процес.
