По извршениот увид на Комитетот на Советот на Европа (СЕ) за превенција од тортура и нехумано или понижувачко постапување или казнување на институциите што работат со згрижување лица со интелектуална попреченост и нарушување на психичката состојба, беше презентиран прелиминарниот извештај пред министерката за труд и социјална политика, Јованка Тренчевска.
Главно на состанокот се разговараше за успешноста на процесот од деинституционализација и важноста од воспоставување станбени единици, кои ветуваат подобри услови за живеење на лицата со попреченост. Главен фокус на состанокот беше поставен на Специјалниот завод во Демир Капија.
Министерката посочи дека работата кон подобрување на животот на лицата со попреченост продолжува и дека сите насоки ќе бидат земени предвид во идните активности.
На крајот од состанокот претставникот на Комитетот на СЕ се заблагодари за отвореноста на Министерството за труд и социјална политика и на единиците во склоп на Министерството истакнувајќи дека посетата се одвивала без никакви пречки и дека им бил дозволен пристап до сите информации и оддели во склоп на посетените институции.
ПОПУЛАРНО НА ИНТЕРНЕТ...
