„Ние се приклучивме на ЕУ пред 15 години, бевме неразвиена држава, дури и релативно сиромашна држава, според европски стандарди. Приклучувањето на ЕУ ни помогна да ја трансформираме нашата економија, да ја надградиме, за да можат младите да останат дома и да ги градат своите животи таму, како и да откријат и други можности“ рече премиерот на Ирска Лео Вардакар во видео порака.
Тој даде целосна поддршка Северна Македонија да стане членка на ЕУ и нагласи дека ЕУ го штити и почитува националниот идентитет на земјите членки.
„Сметаме дека членството во ЕУ ни помогна да го заштитиме и сочуваме нашиот национален идентитет. Многумина во тоа време велеа дека Ирска ќе биде проголтана од големата Европска Унија, но Унијата не функционира така. Таа ги почитува националните идентитети и диверзитетот“ рече Вардакар.
Ирскиот премиер во видео пораката порачува дека со нетрпение очекува Северна Македонија да се приклучи на семејството на ЕУ што е можно побрзо.
