Во текот на минатиот месец, Еко-патролата на ЈП Комунална хигиена-Скопје изготви вкупно 52 едукативно-информативни записника за лица и правни субјекти коишто се затекнати при неправилно одлагање градежен и кабаст отпад во скопските општини Центар, Карпош, Аеродром, Кисела Вода, Чаир, Бутел и Ѓорче Петров.
Еко-патролата врши секојдневен надзор и дежурства на дваесетина локации во сите скопски општини каде што континуирано непрописно се одлага отпад на јавни и сообраќајни површини.
Воедно, во рамките на тековната седмица, екипите на ЈП Комунална хигиена-Скопје отстранија приближно 180 кубни метри отпад од повеќе диви депонии лоцирани на улиците Крсте Асенов и Методија Митевски во општината Чаир, на улицата Алија Авдовиќ во општината Гази Баба, како и во непосредна близина на фонтаната во Градскиот парк.
ПОПУЛАРНО НА ИНТЕРНЕТ...
