„Нема збор што може да ја опише самата помосила за тоа што се случувало на Клиниката за онкологија. Најблаго кажано е дека се изгубила човечката димензија. Ова се состојби што траеле подолг временски период. Имаше неколку јавни написи, одредени пријави до МВР и ОЈО, поради што се отвори предметот и се преземаат процесни дејствија“ рече министерот за внатрешни работи Оливер Спасовски во „Клик плус“ на ТВ21.
Тој додаде дека колку и да е лошо и колку да боли овој случај мора да биде истеран до крај и мора да се анализираат сите аргументи и докази што се пронајдени.
Министерот Спасовски исто така кажа дека е поголем бројот на лица кои се истражуваат за случајот и рече дека секој виновник има име и презиме и тие мора да бидат утврди.
„Ваков чин, вакво злосторство, вакво нечовечко однесување и нехуманост од кого и да е направено нема да има толеранција. Тоа ни е основата во работењето со ОЈО и тука нема да има пардон за никого. Се случувале 20 години вакви настани, имало индиции многу пати до сега, но сега е дојден момент да се расчисти со корупција и затоа ги преземаме сите чекори и мерки кои ги имаме на располагање“ рече Спасовски.
ПОПУЛАРНО НА ИНТЕРНЕТ...
