„Несфатливо е кога поранешен претседател на Собранието кој ако не се лажам 8 години бил претседател на Собранието не ги знаел одредбите од деловникот. Деловникот е јасен и постапувањето на актуелниот претседател на Собранието е во согласност со деловникот” изјави Дарко Каевски во Тема на денот на Сител.
Тој рече дека повеќето од пратениците знаат, но за јавноста и граѓаните повтори дека согласнчлен 81 став 1 од Деловникот може да ја прекине претседателот седницата кога нема доволно пратеници или во случај кога ќе оцени дека тоа е неопходно.
“Во истиот член во став 5, времето за продолжување на седницата ја одредува претседателот во смисла тоа е негово дискреционо право. Па од тука јасно се гледа дека деловникот не е прекршен и претседателот постапува согласно со деловникот“ рече Каевски.
Пратеникот од СДСМ рече дека единствени кои го кршат деловникот се пратениците од ВМРО-ДПМНЕ кои се претседатели на комисии и не закажуваат седници.
