„Европа и Америка имаат потреба од вас. Вие сте стратешки партнер, како и близок пријател, некој кој што имал директно корист од партнерството и исто така сакам да имате корист од тоа партнерство во носењето на тешките одлуки кои ќе донесат посветла иднина“ рече заменик-помошникот државен секретар на САД, Габриел Ескобар на прес-конференцијата со премиерот Димитар Ковачевски.
Тој додаде дека Западниот Балкан е најнадежниот дел од Европа во моментов, бидејќи има најголем економски потенцијал да даде придонес во сферата на енергетиката бродоградежништвото, транспортот, информатичката технологија и мн други сектори кои ќе придонесат за растот на ЕУ и проширување на транс-атланската заедница.
„Навистина ми е мило што започна процесот на уставните измени, бидејќи сакаме да ве видиме како дел од ЕУ. Сакаме да имате блиско учество во сите структури“ рече Ескобар.
Заменик-помошникот државен секретар на САД истакна дека тие не поставуваат влади, но дека поставуваат очекувања.
„САД ги гледа како природни партнери оние кои се посветени на европската интеграција, на НАТО и на борбата против корупцијата“ рече Ескобар.
