Вчера попладне, во 15.30 и во 16.55 часот, полициски службеници на СВР Тетово ги лишиле од слобода 33-годишниот Б. И. и 60-годишниот И. И. од тетовски Порој, извести СВР Тетово.
„Тие се сомничат дека на улицата Фуштанска во Тетово пукале од оружје. Притоа од Б. И. одземен е пиштол ‘зораки’ во калибар од 9 милиметри и тој е задржан во Полициската станица Тетово за расчистување на случајот“, велат од СВР Тетово.
Подоцна, околу 19.40 часот, од 53-годишен жител на тетовско село биле одземени за вештачење пиштол „црвена застава“, со рамка во калибар од 9 милиметри, и пиштол „тангфолио“ со рамка, исто така во калибар од 9 милиметри, а поради сомнение за негова инволвираност во предизвикување општа опасност на оваа улица.
