Доколку сакате да патувате поевтино, а во исто време да видите нешто ново, бугарското крајбрежје е идеален избор. Одморалиштето Сончев Брег е едно од најубавите во Бугарија и го посетуваат над милион туристи во текот на летната сезона. Долга песочна плажа, залив и многу интересни места за посета, сигурно ќе ви се допадне.
Покрај тоа, Бугарија се смета за еден од поевтините избори во регионот кога е во прашање одморот. Имено, во домашните агенции може да се најде 10-дневен одмор во јули од 140 евра по лице, додека во септември и јуни цените се уште пониски.
Цените варираат, се разбира, во зависност од тоа колку е ексклузивно сместувањето, дали сте одбрале хотел или апартман, колку е оддалечено од атрактивни дестинации и дали оброците се вклучени во аранжманот.
Инаку, цените на маркетите на Сунчево Брег се слични на оние во Скопје. На пример, лебот чини 40 денари, литар млеко 60 денари, килограм локално сирење 300 денари, 10 јајца околу 130 денари…
Во рестораните можете да ручате по поволни цени: ручекот за две или три лица во просечен ресторан чини околу 1600 денари, додека оброк за едно лице во евтин ресторан чини околу 300, капучино и газиран пијалок чинат по 50-60 мкд. , и точено половина литар домашно пиво само 80-90 денари.
Еден час возење со такси чини околу 300 денари.
Доколку одлучите да одите во Бугарија ова лето, ви препорачуваме да го посетите Несебар како и интересното село Свети Влас. Во Несебар посетете го Стариот град, црквата Света Софија од 5 и 6 век, комплексот на византиски бањи, Археолошкиот и етнографскиот музеј.
