Костадиновска: Денеска молкум им оддаваме почит на дванаесетте младинци од Ваташа кои, пред 80 години на денешен ден, беа стрелани и масакрирани од тогашната бугарска окупаторска војска

Фејсбук статус на Бисера Костадиновска, министерка за култура:

Денеска молкум им оддаваме почит на дванаесетте младинци од Ваташа кои, пред 80 години на денешен ден, беа стрелани и масакрирани од тогашната бугарска окупаторска војска.

И денес, и болката и спомените од овој грозоморен чин се сè по присутни, како и пораката-никогаш да не се повтори !

Споменикот во Моклиште за брутално згаснатата младост во исто време и потсетува и опоменува дека и ние Македонците ја плативме високата цена на победата и преку НОВ го остваривме вековниот идеал за своја држава во која слободно го говориме мајчиниот, македонски јазик. За таа висока цел, ниту една жртва не е и не смее да биде залудна.
Слава им.