Денеска, во Тетово, полициски службеници од СВР Тетово ги лишиле од слобода Г. С. (36) од Тетово, Н. А. (49) од тетовско Џепчиште и М. Н. (53) од тетовско Желино.
Тие се сомничат дека на 12.6.2023, околу 19 часот, на улицата 29 Ноември во Тетово, од товарно возило „опел виваро“, со гостиварски регистарски ознаки, сопственост на Л. А. (52) од Гостивар, одзеле пари во разни девизи и апоени и други предмети.
Парите и другите предмети биле пронајдени и ќе бидат вратени на сопственикот.
Лицата биле задржани во полициска станица и по целосно документирање на случајот, против нив ќе биде поднесена соодветна пријава.
