15. август 2025
Centar.mk – Вести, бизнис, забава, спорт…
вестМАКЕДОНИЈА

СДСМ: Нема потреба од нервоза во ВМРО-ДПМНЕ затоа што го променија ставот за уставни измени, да го продолжиме дијалогот

СДСМ:

Нема никаква потреба ВМРО-ДПМНЕ да манифестира толку голема нервоза затоа што променија став и прифатија уставни измени, како и учество во широка Влада за европска интеграција.

Разбираме дека промената на ставот можеби дојде наеднаш, дека паднаа во вода сите изјави за францускиот предлог и за договорот.
Разбираме и тоа дека со една изјава се избришаа нотарските изјави и потписите на пратениците на ВМРО-ДПМНЕ против уставните измени.

Но, не е прв пат опозицијата да промени став. Овој пат тоа е добро затоа што може да доведе до заеднички придонес за продолжување на европскиот пат на земјата, секако доколку останат на она што јавно го кажа Христијан Мицкоски.

Затоа не треба нервоза. Има време за политичко ривалство, сега е потребна одговорност пред иднината на земјата.

Промената на ставот на ВМРО-ДПМНЕ и прифаќањето уставни измени е добра основа за продолжување на дијалогот.

Да седнеме заедно и да ја продолжиме дебатата, да ја реализираме европската агенда, во интерес на граѓаните и на државата.

Можеби ќе ве интересира

Бујар Османи ја претстави програмата за спорт: Модерна спортска инфраструктура, финансиска поддршка за спортистите и нови спортски клубови

C +

Изминатите два дена 1455 сообраќајни прекршоци на територија на цела држава, 348 за брзо возење

C +

СДСМ: Владата да не ја штити Михајлов туку да ја разреши, за милионските скандали со Еразмус+ мора да има одговорност

C +