Centar.mk
МАКЕДОНИЈА

(Видео) Луѓе од пет села со трактори секојдневно минуваат низ небезбеден мост во Босилово, општината бара помош од Владата

Директорот на Центарот за управување со кризи, Стојанче Ангелов, на покана на градоначалникот на Општина Босилово, Ристо Манчев, го посети мостот во атарот на село Секирник што е видливо оштетен, во лоша состојба и претставува опасност за тие што го користат.

Инаку, иако патот не е асфалтиран, преку мостот е поврзана обработлива земјоделска површина од околу 50 хектари.

Ангелов кажа дека еден од носечките столбови на мостот, над реката Струмица, е пандат и со тоа стабилноста на мостот значително е нарушена. При движење по мостот можат да се почувствуваат силни вибрации, рече Ангелов.

„Мостот е небезбеден. Препорачуваме на Општина Босилово да викне стручни лица кои ќе ја испитаат стабилноста, кои ќе кажат дали тој може да се санира или треба целосно да биде затворен и да се изгради нов мост“, рече Ангелов.

Градоначалникот на Општина Босилово, Ристо Манчев, побара финансиска помош од Владата за изградба на мостот.

Земјоделецот Ристо Стојков кажа дека мостот го користат селани од пет села во околината и поминуваат со трактори и приколки товарани со производи до пет тона.

Центарот за управување со кризи препорача затворање на мостот, до изнаоѓање на конечно решение.

Можеби ќе ве интересира

СТИГНУВА СТУДЕН БРАН ВО МАКЕДОНИЈА – Дожд, силен ветер и снег на планините, температурите нагло ќе се намалат

ДЕСК

ВЕЧЕРВА СПРОТИ АРАНЃЕЛОВДЕН – Кои обичаи се негуваат во домовите и што се прави утре на големиот празник?

ДЕСК

УТРЕ Е ГОЛЕМ ПРАВОСЛАВЕН ПРАЗНИК – Се слави Свети Архангел Михаил, небесниот заштитник и предводник на ангелите

ДЕСК