Претседателот Стево Пендаровски во рамки на работната посета на Кралството Белгија денеска ќе има аудиенција кај Кралот Филип и ќе оствари средби со премиерот на Кралството Белгија, Александер Де Кро, претседателката на Домот на претставниците на белгискиот Парламент, Елијан Тилие и со претседателката на Сенатот на белгискиот Парламент, Стефани Д’Ос.
Во рамки на работната посета на Белгија, вчера претседателот Пендаровски се обрати пред претставници на белгиски компании, пред кои беа презентирани економските потенцијали и инвестициските можности во Северна Македонија, во соработка со Стопанска комора Антверпен Васланд (VOKA).
Денеска во Брисел, претседателот Пендаровски ќе присуствува и ќе се обрати на настан за презентација на инвестициските можности во Северна Македонија, во организација на Агенцијата за извоз и странски инвестиции на Валонија (AWEX), Агенцијата за инвестиции и трговија на Фландрија (FIT) и Бриселската агенција за поддршка на бизнисот, ХАБ Брисел.
НАЈЧИТАНО НА ИНТЕРНЕТ...
