Министерот за здравство, д-р Фатмир Меџити, во период од 21 до 22 мај присуствува во Женева како учесник на 76. Светска здравствена асамблеја.
Тема на годинешното светско здравствено собрание, каде присуствуваат делегати од земјите членки на СЗО е ,,Спасуваме животи–обезбедуваме здравје за сите“, во рамки на која присутните ќе дискутираат на теми со фокус на зајакнување на системите за подготвеност и отпорност на итни здравствени случаи; превенција и имплементација на меѓународни здравствени регулативи; унапредување на одговорот на здравствената криза во Украина и пошироко; важноста на менталното здравје и антистигматизација.
-Имајќи ја предвид ситуацијата со здравствениот систем во нашата држава, како и случувањата на светско ниво, кои внесоа турбуленции дури и во најразвиените здравствени системи, евидентна е потребата за континуирана работа, развој и унапредување на здравствен систем, како целина. Активното учество во настани како Светската здравствена асамблеја е чекор за отворање на вратата и поттик за посветена работа во насока на размена и имплементација на позитивни практики и вистинскиот начин за унапредување на македонскиот здравствен систем, сѐ со цел – овозможување висококвалитетна здравствена услуга на граѓаните на Република Северна Македонија, изјави министерот Меџити.
Нашата држава е активен и постојан член во Светската здравствена организација повеќе од 20 години, а во овој период се реализирани многубројни проекти и иницијативи во насока на поддршка и едукација на граѓаните за превенција и здравствена заштита.
Можеби ќе ве интересира…
Mртви сте уморни и едвај чекате да одите во кревет. Но, мозокот не мирува и мислите ви поминуваат низ главата… Се разбира, во тој случај нема шанси да заспиете. За… Прочитај повеќе
Сите можеме да се чувствуваме несигурни кога започнуваме нови врски, прашувајќи се дали некој навистина нè сака. Никој од нас не чита мисли, но нашето однесување може да даде прилично… Прочитај повеќе
Според последниот извештај на Светскиот економски форум, ризикот од фрагментација на глобалната економија (деглобализација) е еден од трите најголеми глобални ризици, заедно со кризата на трошоците на животот и климатските… Повеќе
Десетици измамени граѓани се соочиле да плаќаат рати од туѓи подигнати брзи кредити. Само во 2022 година евидентирани се 43 случаи на измами со брзи кредити, велат од МВР за… Повеќе